1,212

چتاؤنی. (جاوید انور۔ گلاسگو۔ ۲ دسمبر ۲۰۱۷)

چتاؤنی
۔۔۔۔۔۔۔۔
دسمبر کی تاریک رات
گہرے سیاہ بادل
زمین سے بہت قریب
چہار اطراف
دھرتی میں پیوست
محصور کرتے ہوئے
گہرے سیاہ بادل
محفوظ گھروں میں
انسانی کھالوں کو قالین بنائے
خود کو محفوظ سمجھتے انسان
آسمانی بجلی کی ہیبتناک کڑک
مشرق تا مغرب جھماکا
پھر سیاہ بارش
اہل بغداد
گھوڑوں کےسُموں کی آواز پر کان دھرو
اس سے پہلے کہ نمدوں میں لپٹے جسم
روندھ دئیے جائیں
۔۔۔۔۔۔۔۔۔۔۔۔۔۔۔۔۔۔۔۔
(جاوید انور۔ گلاسگو۔ ۲ دسمبر ۲۰۱۷)

اس تحریر کے بارے میں اپنی رائے کا اظہار کریں

اپنا تبصرہ بھیجیں